J.D. Power 2024-iň Hytaýda awtoulaglaryň hiline bagyşlanan reýtinginde Honda köpçülikleýin bazar brendleriniň arasynda yzly-yzyna bäşinji ýyl birinji orny eýeledi diýip, Mobile-Review habar berýär.
Kompaniýa ygtybarly we ýokary hilli awtoulag öndürijisi hökmünde abraýyny tassyklap, 195 bal aldy.
J.D. Power-iň 30 müňden gowrak awtoulag eýeleriniň pikirine esaslanýan barlagy awtoulaglaryň hiline ygtybarlylyk, rahatlyk we tehnologiýa ýaly, birnäçe ölçegler boýunça baha berýär.
Honda hil we innowasiýa babatda gazananlaryna buýsanýandygyny aýtdy.
Honda-nyň öndürýän Fit, Accord, Avancier, Civic we Elysion ýaly modelleri öz kategoriýalarynda öňdebaryjy bolup, kompaniýanyň önümçilikde ýokary hile we müşderileri kanagatlandyrýan ülňülere ygrarlydygyny görkezýär. Ikinji ýerde CR-V, Odyssey we Vezel ýaly modeller durýar, olar öz segmentlerinde ajaýyp hili we ygtybarlylygy görkezmek bilen, öz orunlaryny ynamly eýeleýärler"- diýip, awtoulag öndürijisiniň habarynda aýdylýar.
