Parižde Olimpiýa oýunlarynda dýudo boýunça Türkmenistanyň adyndan wekilçilik eden Serdar Rahym 66 kg çenli agram derejede 1/8 finalda garşydaşyndan ýeňlip, ýaryşdan gaýtdy.
Olimpiýa oýunlaryna ilkinji gezek gatnaşýan 20 ýaşly Serdar Rahymow birinji tapgyrda Angoladan Edmilson Pedrony 10:1 hasabynda ýeňdi. Onuň garşydaşyna üç gezek duýduryş berildi. Emma eýýäm 1/8 finalda braziliýaly Willian Lima garşy tutluşykda türkmen türgeniniň özi üç duýduryş aldy. Birinji duýrudyş (sido) garşydaşyny çekenligi üçin berildi, ikinji we üçünji duýduryşlary emin işjeň hereketleriň ýoklugy üçin berdi.
Serdar Rahymow soňky iki ýylda iri halkara ýaryşlarynda alty sany medal gazandy, şol sanda ol Türkmenistanyň taryhynda ilkinji gezek «Dushanbe Grand Slam 2024» (Täjigistan) Uly tuwulga ýaryşynda çempionlyk gazandy.
Ertir ýene-de bir türkmen dzýudoçysy - Maýsa Pardaýewa ýaryşa çykýar. 57 kg çenli agram derejede Maýsa birinji tapgyrda hytaýly Saý Si bilen tutluşar.
