Eýranda geçirilen prezident saýlawlarynyň 2-nji tapgyrynyň netijeleri boýunça Masud Pezeşkiýan ýeňiş gazandy. Bu barada Eýran Yslam Respublikasynyň saýlaw toparynyň resmi wekili Mohsen Eslami habar berdi.
Eslaminiň IRIB teleýaýlymynda habar bermegine görä, 30.530 million býulleten sanalandan soňra Masud Pezeşkiýan 16,383 mln ses alyp (umumy sanyň 53,5%-i) , Eýranyň häzirki zaman taryhyndaky 9-njy Prezidenti wezipesine saýlandy.
Eýranyň Milli howpsuzlyk boýunça Ýokary geňeşiniň wekili Said Jalili gazanan sesleriniň sany 44.3 %-e deň boldy.
5-nji iýulda Eýranda nobatdan daşary prezident saýlawlarynyň 2-nji tapgyry geçirildi. Ýurtda prezident saýlawlary ozalky Prezident Seýed Ebrahim Raisiniň biwagt aradan çykmagy bilen geçirildi.
Eýranyň prezident saýlawlarynda Türkmenistanda ýaşaýan Eýranyň raýatlary hem ses berip bildi.
