Russiýanyň TASS habarlar agentligi anna güni 119 ýyllygyny belleýär. Agentlik ýakyn geljekde ýurduň içinde we daşary ýurtlarda habar nokatlarynyň ulgamyny giňeltmegi meýilleşdirýär.
Russiýanyň TASS döwlet maglumat agentliginiň taryhy Sankt-Peterburgyň telegraf gullugyndan başlandy, onuň ilkinji iş güni 1904-nji ýylyň 1-nji sentýabryndan başlapdy. TASS her gün Russiýadaky we daşary ýurtlardaky habarçylaryndan, takmynan, 3 müň habar we 700-e golaý surat hem-de wideo materiallaryny goýberýär.
TASS-yň Sankt-Peterburgdaky, Nowosibirskdäki we Ýekaterinburgdaky sebit maglumat merkezleri, Russiýanyň sebitlerindäki onlarça habar nokatlary, şeýle hem 51 ýurtdaky 56 wekilhana Russiýadaky we dünýädäki wakalar barada obýektiw maglumatlary gyzgyny bilen almaga we ýaýratmaga mümkinçilik berýär. Agentligiň işini hakyky wagt režiminde 1,8 müňden gowrak işgär ýöredýär.
2023-nji ýylyň sekiz aýynda TASS-yň web sahypasynyň ulanyjylary 95,4 milliondan geçdi. Aýda sahypa girip görýän özboluşly adamlaryň sany 17 milliondan gowrak.
