Apple birnäçe ýyldan soň, ilkinji gezek “Apple Watch”-iň dizaýnyny täzelemegi maksat edinýär, ýöne bu 2024-nji ýyldan bärde amal edilmez. Bu barada Bloombergiň žurnalistiniň we abraýly insaýder Mark Gurmanyň Power On-a hepdelik poçta ýollamasynda aýdylýar.
Kompaniýa magnit kemeri bilen birikdirmek mehanizmi, gan basyşynyň datçigi we mikroLED ekrany bilen has inçeldilen Apple Watch X-i ösdürýär. iPhone X-da bolşy ýaly, gajetiň onunjy neslini alamatlandyrýan bu sagadyň 2024-nji ýylyň ahyrynda ýa-da 2025-nji ýylda bazara çykmagyna garaşylýar.
Adaty mehaniki gaýyş sagatbaglar inženerler üçin Apple-iň dakylýan zatlaryň ölçeglerini optimizirlemek ýa-da batareýanyň kuwwatyny ýokarlandyrmak hem-de täze içki bölekleri goşmak üçin ulanyp boljak gymmatly giňişligi tutýar.
Eýýäm 2023-nji ýylyň 12-nji sentýabrynda kämilleşdirilen prosessor we öňkülerine meňzeş dizaýny aljak Apple Watch Series 9 hödürlener. Hut şol günem ikinji nesliň meşhur Apple Watch Ultra we iPhone 15 smartfonlarynyň täze hatary görkeziler.
