Google iki ýylyň dowamynda ulanylmadyk akkauntlary ýok eder. Bu barada kompaniýanyň wise-prezidenti Rut Kriçeliniň Google saýtynda ýerleşdirilen beýanynda aýdylýar diýip, TASS habar berýär.
“Şu ýyldan başlap, eger Google akkaunty azyndan iki ýylyň dowamynda ulanylmadyk bolsa, biz akkaunty we şol sanda Google Workspace (Gmail, Docs, Drive, Meet, Calendar), YouTube we Google Photo serwislerinde saklanýan mazmuny aýryp bileris” – diýip, Kriçeli belledi. Onuň aýtmagyna görä, täze syýasat diňe şahsy akkauntlara täsir eder, mekdepleriň we dürli guramalaryň akkauntlary bu üýtgeşmä sezewar edilmez.
Habarda bellenilişi ýaly, kompaniýa işjeň däl akkauntlary 2023-nji ýylyň dekabr aýyndan aýryp başlar, ýöne ondan öň akkauntlaryň eýelerine habar ýollanar.
