Madridiň «Realy» futbol boýunça Ispaniýanyň Kubogynyň final duşuşygynda «Osasunany» 2:1 hasabynda ýeňdi. Duşuşyk ýekşenbä geçilen gije Sewilýada Olimpiýa stadionynda geçirildi.
«Realyň» düzüminde Rodrigo dubl etdi (2-nji, 70-nji minutlar). «Osasunadan» Lukas Torro gol geçirdi (58).
Soňky gezek «Real» 2014-nji ýylda Ispaniýanyň Kubogyny gazanypdy. Şol gezek klub finalda «Barselonadan» üstün çykdy (2:1). «Real» bu baýragy 20-nji gezek eýeledi. Bu görkeziji babatda rekord eýesi «Barselonadyr» (31 Kubok), ikinji ýerde «Atletik» (23).
