Azyk harytlarynyň ählumumy bahasynyň görkezijisi soňky sekiz aýyň dowamynda 15% arzanlady. Bu barada duşenbe güni BMG-niň Baş sekretary Antoniu Guterriş metbugat maslahatynda mälim etdi.
"Bütindünýä azyk we oba hojalyk guramasynyň bahalarynyň görkezijisi sekiz aý bäri yzygiderli peselip gelýär we jemi alanyňda 15% peseldi, bu bolsa dünýä boýunça millionlarça adamlary garyplygyň girdabyna düşmekden gorap saklady. Ýöne barybir bahalar entek aşa ýokary, dökünlere elýeterlilik bolsa çäkli" - diýip Guterriş belledi.
