Russiýanyň prezidenti Wladimir Putin Moskwanyň “Zarýadýe” seýilgähinden wideo konferensiýa režiminde Halk hojalyk toplumynyň üstünlikleriniň sergisinde Ýewropada iň uly syn ediş çarhy we dünýäniň iň beýik çarhlarynyň biri bolan “Moskwanyň Güni” syn ediş çarhyny açdy. Bu barada interfax.ru habar berýär.
Häzirki güne çenli Ýewropada iň uly syn ediş çarhy beýikligi 135 metr bolan “Londonyň gözüdi” (London Eye). Moskwadaky çarhyň beýikligi 140 metre barabar.
“Moskwanyň Güni” – bu her biri 15 myhmany sygdyrýan 30 sany ýapyk kabina. Kabinalarda wideo gözegçilik ulgamy, operator bilen aragatnaşyk düwmesi we howa gözegçiligi bar, bäş kabina dury pol bilen üpjün edildi.
Moskwa syýahat gonuş wokzalyndan başlaýar. Myhmanlar oňa üsti ýapyk eskalator geçelgesi arkaly baryp bilýärler. Ýolagçylary mündürme we düşürme wokzalyň dürli böleginde bolup geçýär. 18 minut 40 sekunt dowam edýän bir aýlawda syn ediş çarhy 450 töweregi adamy sygdyryp bilýär.
Bu attraksionyň her ýyl 2,5 mln myhmany özüne çekmegine garaşylýar.
