Google ulanylan iPhone-lary satyn alyp başlady

  • 13.12.2021 14:24
  • 9.3k+
Google ulanylan iPhone-lary satyn alyp başlady

Google Pixel 5a smartfonlary satyn alnanda ulanyjylardan ulanylan iPhone-lary yzyna satyn almak düzgünlerini täzeledi. Bu hyzmat öňräkden bäri bardy, ýöne indi ulanyjylar üçin has amatly şertler döredildi. Muny 9to5Google salgylanyp, ferra.ru habar berdi.

Indi resmi Google Store dükanlarynda ulanyjylar Pixel 5a-ny satyn alanda we köne iPhone-lary yzyna satanda 100 dollar arzanladyş alýarlar. Kompaniýanyň şertleri näme üçin täzeländigi belli däl. Hünärmenler munuň Apple bilen bäsdeşlik, şeýdibem öz enjamlaryny mümkin boldugyça köp paýlamak islegi bilen baglanyşyklydygyny öňe sürýärler. Şol bir wagtyň özünde, Pixel 6 we 6 Pro satyn alnanda arzanladyş ulanylmaýar.

Ýöne Google diňe iPhone 7-den uly bolmadyk iPhone-lary kabul edýär, şeýle hem arzanladyşyň 2017-2018-nji ýyllar aralygynda çykarylan modellere degişlidigini nygtalýar.

Indi her dördünji iPhone Hindistanda öndürilýär
13.03.2026 17:58
3k+

Indi her dördünji iPhone Hindistanda öndürilýär

Apple kompaniýasy Hindistandaky iPhone önümçiligini ep-esli artdyrdy. Häzirki wagtda kompaniýanyň smartfonlarynyň takmynan dörtden biri hut şol ýerde ýygnalýar. Bloomberg agentliginiň maglumatyna görä, geçen ýyl Apple-yň potratçylary Hindistanda 55 milliona golaý iPhone öndürdiler...

Garşydaşlar dil tapyşýar: Apple TV+ we Netflix seýrek ylalaşyga gol çekdiler
04.03.2026 14:13
1.2k+

Garşydaşlar dil tapyşýar: Apple TV+ we Netflix seýrek ylalaşyga gol çekdiler

Apple TV+ hem Netflix kompaniýalary 6–8-nji martda Awstraliýada başlanjak Formula-1 dünýä çempionatynyň täze möwsüminiň öňüsyrasynda özara hyzmatdaşlygy yglan etdiler we awtoýaryşyň tomaşaçylarynyň hatyrasyna ilkinji gezek güýçlerini birleşdirdiler...

Google emeli aň üçin Meta kompaniýasyna milliardlarça dollarlyk çip berer
28.02.2026 15:20
1.1k+

Google emeli aň üçin Meta kompaniýasyna milliardlarça dollarlyk çip berer

Alphabet Inc holdingine degişli bolan Google kompaniýasy özüniň tensor prosessorlaryny kireýine bermek boýunça Meta Platforms korporasiýasy bilen ylalaşyk baglaşdy diýip, The Information neşiri geleşiklere gatnaşyjylaryň sözlerine salgylanyp habar berýär...

Google käbir işgärlerine «öz islegi bilen» işden gitmegi teklip etdi
13.02.2026 10:58
3k+

Google käbir işgärlerine «öz islegi bilen» işden gitmegi teklip etdi

Google özüniň «Global Business Organization» (GBO) bölüminiň işgärleriniň belli bir bölegini meýletin işden gidermek maksatnamasyna başlaýar. Bu barada kompaniýanyň täjirçilik direktory Filipp Şindleriň gulluk hatyny öwrenen Business Insider neşiri mälim etdi...