“Barbi” (Барби) we “Kiçijik hanymlar” (Маленькие женщины) filmleriniň režissýory Greta Gerwig “Narniýanyň hronikalaryny” (Хроники Нарнии) gaýtadan düşürmäge taýýarlanýar. Internet torunda täze film üçin 10-11 ýaşly oglanyň we gyzyň gözlenýändigi barada maglumat peýda boldy.
Filmi iýun aýyndan 2025-nji ýylyň ahyryna çenli surata düşürmek meýilleşdirilýär. Gerwig ssenariniň hem awtory bolup çykyş eder. Kinoteatrlarda premýera 2026-njy ýylyň 26-njy noýabryna meýilleşdirilýär, şondan soň film Netflix-de elýeterli bolar.
Häzirlikçe K.S.Lýuisiň haýsy kitabynyň ekranlaşdyryljakdygy habar berilmeýär. Prodýuser Emi Paskal öň tomaşaçylara “rok-n-roll” görnüşiniň garaşýandygyny aýdypdy.
Häzirki günde “Narniýanyň” iň üstünlikli ekranlaşdyrylmasy Pewensi çagalary baradaky Disney trilogiýasy (2005-2010) hasaplanýar, ol dünýä prokatynda 1,5 mlrd dollar gazandy.
