Netflix-de tomaşaça wakanyň gidişine täsir etmäge, soraglara jogap bermäge we beýleki hereketleri ýerine ýetirmäge mümkinçilik berýän seriallar, filmler we wiktorinalar bar. Käbir interaktiw ýörite wersiýalarda mundan soň nämäniň boljakdygyny tomaşaçylaryň özi çözýär, beýleki wersiýalar bolsa wiktorina has meňzeşdir. Indi kompaniýa şeýle taslamalary ösdürmekden ýüz öwürmek kararyna geldi.
1-nji dekabrdan Netflix ähli interaktiw şoulary we filmleri diýen ýaly öz platformasyndan aýrar.
Kompaniýa 24 interaktiw ýörite teklipden platformada diňe dördüsiniň (“Черное зеркало: Брандашмыг”, “Несгибаемая Кимми Шмидт: Кимми против преподобного”, “Ранвир против Уайлда с Беаром Гриллсом”, “Ты против Вайлда”) galjakdygyny tassyklady. Galan taslamalar, şol sanda “Karmen Sandiegonyň” (Кармен Сандиего), “Başlyk balanyň” (Босс-молокосос) we “Ädikli pişigiň” (Кот в сапогах) esasynda döredilen ýörite wersiýalar indi goldawa eýe bolmaz.
Netflix-iň wekili Krissi Kelleher 2017-nji ýylda başlan interaktiw şoularyň öz wezipesini ýerine ýetirendigini, ýöne kompaniýanyň indi beýleki tehnologiki tagallalara ünsi gönükdirjekdigini aýtdy.
Netflix-iň oýun ugrunyň öňki ýolbaşçysy Maýk Werdu hem kompaniýanyň indi interaktiw oýunlary çykarmagy meýilleşdirmeýändigini habar berdi. Muňa garamazdan, Netflix öz taslamalarynyň esasynda mobil oýunlaryny hödürlemek bilen, oýun mazmunyny ösdürmegi dowam etdirýär. Şeýle-de bolsa, ýakynda kompaniýa, bir oýun çykaryp ýetişmändigine garamazdan, AAA studiýasyny ýapdy.
