Watan goragçylarynyň güni mynasybetli «Milli goşun» žurnalynyň web-saýty «Gaýratyňyz egsilmesin, mertebäňiz beýgelsin!» atly döredijilik bäsleşigini geçirýär.
Türkmenistanyň Goranmak ministrliginiň «Milli goşun» žurnalynyň redaksiýasy hem-de Türkmenistanyň Magtymguly adyndaky Ýaşlar guramasynyň Merkezi Geňeşi tarapyndan yglan edilen bäsleşigiň esasy maksady, hormatly Belent Serkerdebaşymyzyň ýaşlary watançylyk ruhunda terbiýelemek baradaky asylly ýörelgesini wagyz etmekden, ýaş zehinleri ýüze çykarmakdan, olary höweslendirmekden we döredijilik üstünliklerine ruhlandyrmakdan, ýaşlarda Türkmenistanyň Ýaragly Güýçleri babatda oňyn jemgyýetçilik garaýşyny döretmekden ybaratdyr.
Bäsleşik «Milli goşun» žurnalynyň web-saýtynda ýörite habar arkaly yglan edildi. Bäsleşige gatnaşyjylar öz eserlerini 2020-nji ýylyň 23-nji ýanwaryna çenli Bäsleşige hödürleýärler.
23-24-nji ýanwar aralygynda emin-agzalar tarapyndan Bäsleşigiň ýeňijileri kesgitlenilýär. 24-nji ýanwarynda «Milli goşun» žurnalynyň web-saýtynda ýeňijiler aýratyn habarda yglan edilýär.
25-nji ýanwarda Türkmenistanyň Goranmak ministrliginiň Merkezi serkerdeler öýünde bäsleşigiň ýeňijilerine Hormat hatlarydyr gymmat bahaly sowgatlary gowşurmak dabarasy geçirilýär.
Bäsleşigiň şertleri we düzgünleri barada dolulygyna şu salgydan tanyş bolup bilersiňiz.
«Milli goşun» žurnaly döredijilik bäsleşigini geçirýär
- 16.01.2020 21:29
- 3.1k+