22-26-njy aprelde Harkowda taý boksy we başa-baş göreşiň garyşyk görnüşi boýunça Ýewropanyň açyk çempionaty geçirildi. Oňa dünýäniň on döwletiniň türgenleri, şol sanda Türkmenistandan 16 sany türgen gatnaşdy. Türkmen türgenleri dürli ýaş kategoriýalarynda üstünlikli çykyş edip, ýokary netijeler gazandylar.
Altyn medala mynasyp bolan türgenler — Akmämmet Seýdulla (45 kg agram dereje), Sapar Amangeldiýew (50 kg), Maksat Rejepow (60 kg), Bahram Orazmämmedow (60 kg), Merdan Pirmedow (77 kg), Döwran Ataýew (84 kg).
Kümüş medallaryň eýeleri — Ysmaýyl Döwletow (55 kg), Rüstem Hudaýgulyýew (56 kg), Kemal Döwletow (70 kg), Begzada Meredow (75 kg).
Bürünç medallaryň eýeleri — Tirkeşgeldi Garajaýew, Batyr Baýramgeldiýew (60 kg), Ara Ýegenow (70kg), Adyl Sähedow (65 kg), Mekan Jumabaýew (70 kg ), Döwran Baýramsähedow (+75kg).
Ýaryşlaryň netijeleri boýunça Türkmenistan bäsleşik tablisasynda 2-nji orny eýeleýär.
