Taýson Fýuri Uaýt bilen titul söweşi üçin 33 mln dollardan gowrak gazandy

Taýson Fýuri Uaýt bilen titul söweşi üçin 33 mln dollardan gowrak gazandy

Bütindünýä boks geňeşiniň (WBC) wersiýasyna görä dünýä çempiony britaniýaly Taýson Fýuri watandaşy Dillian Uaýta garşy söweşi üçin 33,6 mln dollar gazandy. Bu barada žurnalist Maýkl Benson Twitterde habar berýär.

“Uembli” stadionynda geçirilen söweş alty raund dowam etdi we Fýuriniň nokaut arkaly ýeňmegi bilen tamamlandy. Taýsonyň gonorary 29,5 mln dollar boldy, şeýle-de ol 4,1 mln dollar möçberinde ýeňşi üçin bonus aldy. Uaýt 7,4 mln dollar gazandy.

Taýson Fýuri 33 ýaşynda, ol professional ringde ýeňliş diýen zady bilmeýär. Ol 32 ýeňiş gazandy (23-si nokaut bilen), ýene bir söweş deňme-deň tamamlandy. 34 ýaşly Uaýtyň hasabynda 28 ýeňiş bilen (19-sy nokaut arkaly) üç ýeňliş bar.