Gyrgyzystanyň Daşary işler ministri wezipesinden aýryldy

Gyrgyzystanyň Daşary işler ministri wezipesinden aýryldy

Başga işe geçýänligi sebäpli Gyrgyzystanyň Daşary işler ministri Ruslan Kazakbaýewiň wezipesinden boşadylandygy baradaky permana respublikaynyň prezidenti Sadyr Japarowyň gol çekendigi hakynda döwlet baştutanynyň saýtynda goýlan habarda aýdylýar. 

Gyrgyzystanyň Daşary işler ministrliginiň ýolbaşçysynyň wezipesini ýerine ýetiriji edip respublikanyň prezidentiniň ýolbaşçylygynyň daşary syýasat bölüminiň öňki müdiri Jeenbek Kulubaýew bellendi.
Kazakbaýew Gyrgyzystanyň daşary işler ministriniň wezipesini iki gezek  - 2010-2012 ýyllar aralygynda, soňra 2020-nji ýylyň 14-nji oktýabryndan bäri eýeledi. Ondan öň ol respublikanyň Daşary işler ministriniň orunbasary (2009), şeýle-de, Gyrgyzystanyň Stambuldaky baş konsuly (2004-2009) boldy.
Daşary işler ministriniň wezipesini ýerine ýetiriji bellenen Kulubaýew 2018-2021-nji  ýyllar aralygynda Gyrgyzystanyň Gazagystandaky ilçisiniň wezipesini eýeledi. Ondan öň ol respublikanyň Malaziýadaky (2007-2009), Hytaýdaky (2009-2013)ilçisi, Mongoliýadaky we şol bir wagtda Singapurdaky (rezidensiýasy Pekinde; 2010-2013) ilçisi boldy. 2013-2016-njy ýyllar aralygynda Daşary işler ministrliginiň Aziýa we Afrika departamentine ýolbaşçylyk etdi.