23-nji dekabrda Türkmenistanyň Prezidenti Gurbanguly Berdimuhamedow Aşgabat şäheriniň käbir häkimlikleriniň ýolbaşçylaryny wezipä bellemek we wezipeden boşatmak hakynda degişli resminamalara gol çekdi.
Türkmen Lideriniň Permanlaryna laýyklykda:
Rejepalyýew Atamyrat Gurbandurdyýewiç, özüne ynanylan wezipäni oňarmandygy üçin, Aşgabat şäheriniň Büzmeýin etrabynyň häkimi wezipesinden boşadyldy.
Abdymuhammet Begmyradowiç Aramow Aşgabat şäheriniň Büzmeýin etrabynyň häkimi wezipesine bellenip, ol Aşgabat şäheriniň Köpetdag etrabynyň häkiminiň orunbasary wezipesinden boşadyldy.
Şeýle hem degişli Kararlar bilen, Abdylla Bäşimowiç Annaberdiýew Aşgabat şäheriniň Köpetdag etrabynyň, Didar Kakabaýewiç Nurmuhammedow bolsa Büzmeýin etrabynyň häkiminiň orunbasary wezipesine bellenildi.
