Mask dünýäde baýlygy 300 mlrd dollardan geçen ilkinji adam boldy

  • 02.11.2021 19:40
  • 17k+

Dünýäniň iň baý adamy, SpaceX kompaniýasyny esaslandyryjy we Tesla-ny esaslandyryjylaryň biri bolan Ilon Maskyň baýlygy 300 mlrd dollardan geçdi. Şeýle ýagdaý reýtingleriň taryhynda ilkinji gezek boldy. Maskyň baýlygy baradaky maglumatlar “Forbes” we Bloomberg reýtinglerinde berilýär diýip, rbc.ru habar berýär. 

Şeýlelikde, “Forbesiň” hasaplamasy boýunça, Maskyň baýlygy 308,5 mlrd dollar, Bloomberg-iň hasaplamasy boýunça, 311 mlrd dollar boldy.

Maskyň baýlygy söwda açylandan soň, NASDAQ biržasynda Tesla-nyň paýnamalarynyň gymmatlamagy bilen ýokarlanyp başlady. Bir gymmatly kagyzyň bahasynyň ösüşi açylyş bahasy bilen deňeşdirilende, 7,53% boldy.

Ilon Mask eýýäm bir hepde bäri dünýäniň iň baý adamydyr. Ol Tesla-nyň paýnamalarynyň ösüşi bilen Amazon kompaniýasyny esaslandyryjy Jeff Bezosy birinji orundan düşürmegi başardy. Bu 21-nji oktýabrda kompaniýanyň hasabaty çykandan soň bolup geçdi. Kompaniýa hasabatda arassa girdejiniň, takmynan, bäş esse ýokarlanandygyny, şeýle-de düşewündiň rekord ösüşi barada habar berdi.

25-nji oktýabrda paýnamalaryň bahasy 9,75% ýokarlandy we netijede, Tesla-nyň bazar kapitallaşdyrmasy taryhda ilkinji gezek 1 trln dollara ýetdi. Şondan soň Maskyň baýlygy 25,6 mlrd dollar artyp, 255,2 mlrd dollar boldy (“Forbes” reýtinginiň maglumatlary boýunça).


düýn 01:30
3.1k+

ABŞ-nyň tehnologiýa kompaniýalary ýarym ýylda 94 000 işgäri EA bilen çalyşdy

2025-nji ýylyň başyndan bäri amerikan tehnologiýa kompaniýalary emeli aň çözgütleriniň ornaşdyrylmagy sebäpli 94 000 töweregi işgäri işden çykardy. Resmi statistika maglumatlaryna görä, iş prosesleriniň awtomatizirlenmegi köpçülikleýin işden çykarmalaryň esasy sebäbi boldy...

10.07.2025 14:01
3.6k+

X-iň baş direktory Ýakkarino işden gitdi. MrBeast bu wezipä özüni hödürledi

X (öňki Twitter) sosial ulgamynyň baş direktory Linda Ýakkarino kompaniýadan gidýändigini habar berdi. “Men iki ýyldan soň X-iň baş direktory wezipesinden gitmek kararyna geldim. Haçan-da biz Ilon Mask bilen ilkinji gezek X-iň geljegi barada gürrüňdeş bolanymyzda, men munuň kompaniýanyň ajaýyp missiýasyny durmuşa geçirmek üçin gowy mümkinçilik boljakdygyna düşündim...

01.07.2025 18:45
5k+

Forbes üstünlige özbaşdak ýeten iň baý 50 zenanyň sanawyny hödürledi

Forbes žurnaly karýerasyny özbaşdak guran dünýäniň iň baý 50 zenanynyň sanawyny hödürledi. Sanawa girmek üçin zenanlaryň baýlygy azyndan 2,1 mlrd dollar bolmalydy. Reýtingde birinji orny Şweýsariýadan 80 ýaşly Rafaela Aponte-Diamant eýeleýär...

27.06.2025 17:14
12k+

Dünýäniň iň baý adamlary 10 ýylda 33,9 trillion dollar baýady, iň garyp adamlary bolsa bergä batdylar

2015-nji ýyldan bäri dünýäniň iň baý adamlarynyň baýlygy häzirki aňlatmada 33,9 trillion dollar artdy. Muňa Oxfam-yň BMG-nyň Sewilýada geçýän ösüşi maliýeleşdirmek baradaky konferensiýasynyň öňüsyrasynda ýaýradan täze hasabaty şaýatlyk edýär...