Tesla amerikan awtomobil öndürijisiniň we SpaceX kompaniýasynyň esaslandyryjysy, “Forbes” žurnaly boýunça milliarderleriň sanawynda birinji orny eýeleýän Ilon Mask adamzady açlykdan halas etmek üçin öz pulunyň bir bölegini sarp etmäge taýýardygyny aýtdy. Bu barada RIA Nowosti habar berýär.
Öň, BMG-niň Bütindünýä azyk maksatnamasynyň (BAM) ýerine ýetiriji müdiri Dewid Bizli Masky “heläkçiligiň” öňüni almak üçin açlyga garşy göreşer ýaly pul serişdesini bermäge çagyrdy. CNN teleýaýlymynyň habar bermegine görä, adamlary açlykdan halas etmek üçin Maskyň häzirki wagtda tas 289 mlrd dollara ýetýän baýlygynyň bary-ýogy 2%-i gerek.
“Eger-de BAM 6 mlrd dollaryň global açlyk meselesini nähili çözüp biljekdigini düşündirip bilse, men edil häzir Tesla-nyň paýnamalaryny satmaga we meseläni çözmäge taýýar. Ýöne maliýe hasabaty jemgyýetiň pullaryň nähili harçlanýandygyny görmegi üçin açyk bolmalydyr” – diýip, Mask Twitter akkauntynda ýazdy.
