Häzirki wagtda dünýäniň iň baý adamy hasaplanýan Ilon Maskyň baýlygy soňky bir hepdede 12,7 milliard dollar artdy. Onuň eýeçiligine degişli Teslanyň paýnamasy duşenbe gününden anna gününe çenli 7,3% ýokarlandy. Bu barada rb.ru habar berdi.
“Forbes USA”-nyň habaryna görä, häzirki wagtda Teslanyň ýolbaşçysynyň baýlygy 214,8 milliard dollara ýetýär. Amerikaly milliarder ABŞ-nyň gazna bazarynyň sentýabr aýynda 4,7 göterim pese gaçandan soň dikelmegi, esasan, onuň bähbidine boldy.
Teslanyň paýnamasynyň gymmaty fewral aýyndan bäri ilkinji gezek 800 dollardan geçdi we anna güni sessiýa tamamlanandan soň, takmynan, 849 dollar boldy. Maý aýyndan bäri elektrikli awtoulaglaryň rekord derejede iberilmegi bilen amerikan kompaniýasynyň paýnamasy, takmynan, 50% ýokarlandy. Tesla-nyň baýlygy häzirki wagtda 844 milliard dollara barabardyr.
