Has rahat oturgyçly täze awtomobilleriň sanawy düzüldi

  • 20.10.2021 18:52
  • 14k+

J.D.Power amerikan analitik kompaniýasy has rahat oturgyçly täze awtomobilleriň sanawyny düzdi. Hünärmenler gözlegiň çäginde täze ulagy satyn alan ýa-da kärendesine alan we 2021-nji ýylyň fewral aýyndan iýul aýy aralygynda 90 gün süren 111 müňe golaý sürüji bilen pikir soraşma geçirdiler. Reýting belli bir markanyň ýa-da modeliň her 100 awtomobili üçin oturgyçlaryň rahatlygy bilen bagly şikaýatlaryň sanyna esaslanýar. Bu barada tarantas.news habar berýär.

Şeýlelikde, köpçülikleýin ykjam awtoulaglaryň arasynda birinji orny Hyundai Elantra eýeledi. Awtomobil 5,7 bal gazandy. Onuň yzyndan Honda Civic (7,5 bal) we Volkswagen Golf (7,8 bal) gelýär. Orta ölçegli ýeňil awtoulaglaryň arasynda Honda Clarity (5,3 bal) ýeňiji boldy. Ikinji orunda Dodge Charger (5,5 bal) ýerleşdi. Üçünji orny bolsa Nissan Maxima (5,8 bal) eýeleýär.

Ykjam krossowerleriň kategoriýasynda birinji orny Nissan Rogue eýeledi. Onuň netijesi 4,2 bal boldy. Ikinji orunda Ford Mustang Mach-E (7,0 bal), üçünji orunda Honda CR-V (7,1 bal) gelýär. Orta ölçegli krossowerleriň arasynda birinji orunda Chevrolet Blazer (6,1 bal) ýerleşdi. Ikinji orny Hyundai Palisade (6,4 bal), üçünji orny Nissan Murano (7,1 bal) eýeledi. 

Doly ölçegli pikaplaryň arasynda birinji orun RAM 1500-e (6,3 bal) degişli. Ikinji orunda Ford F-150 (6,4 bal), üçünji orunda GMC Sierra (6,7 bal) ýerleşýär.

Premium ýeňil awtoulaglaryň arasynda iň gowusy Porsche 718 (4,6 bal) boldy. Onuň yzyndan bolsa Lexus RC (4,7 bal) we Genesis G90 (4,9 bal) gelýär. Premium-krossowerler kategoriýasynda birinji orna Lexus UX (4,4 bal) mynasyp boldy. Ikinji we üçünji orunlary, degişlilikde, Lexus LX (5,8 bal) we BMW X4 (6,1 bal) eýeledi.


14.07.2025 10:56
10k+

Lexus üçeginde tennis oýnadyp, Ginnesiň iki sany üýtgeşik rekordyny goýdy

Lexus kompaniýasy hereket edip barýan ulaglarda tennis oýny bilen bagly Ginnesiň iki rekordyny goýmaga gatnaşdy. Britaniýaly tennisçiler Jeými Marreý we Lora Robson 47 km/sag tizlik bilen hereket edip barýan awtomobilleriň üçeginde durmak bilen, birek-birege yzygider 101 gezek top geçirdi...

10.07.2025 23:37
6.9k+

Lexus Toyota-nyň ýolbaşçysynyň hormatyna atlandyrylan krossowerini diňe lotereýa esasynda berýär

Lexus Ýaponiýada LBX Morizo RR Original Edition krossoweriniň çäkli nusgasyny çykarar, onuň bary-ýogy 100 sanysy bolar. Olary diňe lotereýanyň ýeňijileri satyn alyp biler, lotereýa gatnaşmak üçin sargytlar dilerlik merkezlerinde kabul ediler diýip, Ýaponiýanyň habar beriş serişdeleri habar berýär...

07.07.2025 14:19
6.4k+

Hyundai täze Elantra we Tucson modellerine «PLEOS Connect» atly emeli aňly öz multimedia ulgamyny ornaşdyrar

Hyundai Motor Group täze Elantra we Tucson modellerinde PLEOS Connect atly multimedia ulgamyny hödürlär. Bu kompaniýanyň «programmalaýyn kesgitlenýän awtoulaglar» (SDV – software-defined vehicle) üçin niýetlenen ilkinji özboluşly programma platformasydyr...

07.07.2025 12:29
2.7k+

Hyundai-niň zawodynda şu güýzde "Atlas" atly adam şekilli robotlar işe başlar

Öňümizdäki oktýabr aýyndan başlap, ABŞ-nyň Jorjiýa ştatyndaky Hyundai Metaplant America zawodynda Boston Dynamics kompaniýasy tarapyndan işlenip düzülen adam şekilli Atlas robotlarynyň ilkinji synaglary başlanar...