AnTuTu topary sentýabr aýynda iň meşhur smartfonlaryň sanawyny neşir etdi

AnTuTu topary sentýabr aýynda iň meşhur smartfonlaryň sanawyny neşir etdi

AnTuTu bençmarkynyň topary Android operasion sistemasynyň dolandyrmagynda işleýän smartfonlaryň aýlyk sanawyny neşir etdi. Bu sanaw ulanyjylaryň kanagatlanyş derejesine esaslanýar. Bu barada www.ixbt.com habar berýär.

Birinji orny 97,1% netije bilen geçen ýylky flagman Samsung Galaxy Note20 Ultra 5G, ikinji orny şu ýyl çykan Oppo K9 5G (95,19%) eýeledi. Üçlügi iki ýyl mundan öň satuwa çykan Huawei Mate 30 5G (94,22%) jemleýär.

Dördünjiden onunja çenli orunlary Meizu 18 Pro (93,56%), Meizu 18 (93,49%), Samsung Galaxy S21 Ultra 5G (93,38%), Huawei P40 Pro+ (93,22%), Vivo S10 Pro (93,04%), Vivo X60 Pro+ (92,8%) we Honor Magic3 Pro (92,53%) eýeledi.

Huawei Mate 30 5G smartfonunyň iki ýyl mundan ozal çykandygyna garamazdan, hytaýly ulanyjylaryň aýtmagyna görä, Harmony OS 2.0-a çenli täzelenme gurluşyň işiniň birsydyrgynlylygyny we duýgurlygyny ep-esli ýokarlandyrýar.