«Mançester Ýunaýtediň» hüjümçisi Kriştianu Ronaldu Fransiýanyň «PSŽ» toparynyň hüjümçisi Lionel Messiniň Çempionlar ligasynda gol geçiren toparlarynyň sany boýunça rekordyny gaýtalady. Bu barada Lenta.ru habar berdi.
Futbolçy ýaryşyň toparçalaýyn tapgyrynyň birinji aýlawynda Şweýsariýanyň "Ýang boýz" toparyna garşy oýnuň 13-nji minudynda hasaby açdy. Bu topar Çempionlar ligasynda Ronaldunyň derwezesine gol geçiren 36-njy kluby boldy. Messi hem şonça topara gol geçiripdi.
Duşuşykda “Mançester Ýunaýted” “Ýang Boýzdan” 2:1 hasabynda ýeňildi. Ronaldunyň öz topary üçin geçiren ýeke-täk goly bolsa onyň häzirki Çempionlar ligasynda ilkinji goly boldy.
Hüjümçi Madridiň "Realyndan" soň - 2018-nji ýyldan bäri "Ýuwentusda" oýnady. Ispan klubundan ozal bolsa ol 2003-2009-njy ýyllar aralygynda "Mançester Ýunaýtedde" çykyş etdi. Iňlis toparynda portugaliýaly oýunçy üç gezek liganyň çempiony bolup, bir gezek Çempionlar ligasynda ýeňiji boldy.
