Portugaliýaly hüjümçi Kriştianu Ronaldu iňlis futbol kluby “Mançester Ýunaýted” bilen şertnama baglaşdy. Bu barada Mançesterden klubuň metbugat gullugy habar berýär.
27-nji awgustda “Mançester Ýunaýted” 36 ýaşly portugaliýaly hüjümçiniň geçmegi barada “Ýuwentus” bilen ylalaşyk gazanylandygyny habar berdi. Iňlis klubunyň Ronaldu bilen şertnamasy iş wizasyny alan ýagdaýynda ýene bir möhlete uzaltmak mümkinçiligi bilen iki ýyla niýetlenýär.
“Mançester Ýunaýted” – ýüregimde hemişe aýratyn orun eýelän klub we anna güni geçmek barada belli edilenden bäri alan habarlarym meni geň galdyrdy. Men “Old Traffordda” doly münberleriň öňünde oýnamaga we ähli janköýerleri ýene görmäge howlugýaryn. Men halkara oýunlardan soň topara goşulmaga sabyrsyzlyk bilen garaşýaryn we öňümizde üstünlikli möwsümiň bardygyna umyt bildirýärin – diýip, Ronaldu aýdýar.