Garyşyk stiliň (MMA) amerikaly söweşijisi Timoti Jonson 23-nji oktýabrda Moskwada geçiriljek Bellator turnirindäki söweşde russiýaly Fýodor Ýemelýanenkonyň garşydaşy bolar. Bu barada TASS amerikan guramasynyň metbugat gullugyna salgylanyp habar berdi.
“Timoti Jonson Moskwadaky turnirde Fýodor Ýemelýanenkonyň garşydaşy bolar. Bu turniriň esasy söweşi bolar” – diýip, agentligiň söhbetdeşi belleýär.
Jonson 36 ýaşynda, ol Bellator-da russiýaly Witaliý Minakowdan we Walentin Moldawskiden ýeňildi. Soňky dört söweşde amerikaly söweşijiniň üç ýeňşi bar. Onuň hasabynda jemi 15 ýeňiş bilen ýedi ýeňliş bar.
44 ýaşly Ýemelýanenkonyň hasabynda bolsa 39 ýeňiş we alty ýeňliş bar. Ýene bir söweş geçirilmedik diýlip ykrar edildi.
