Президент Туркменистана совершил испытательный полет на новом боевом самолёте

  • 02.08.2021 09:26
  • 33k+

1-nji awgustda Balkan welaýatyna iş saparynyň dowamynda Gurbanguly Berdimuhamedow irki maşklary ýerine ýetirenden soň, pyýada we welosipedde gezelenç etdi. Şeýle Ýaragly Güýçleriň ygtyýaryna täze gelip gowşan harby uçarlar, olaryň häsiýetli aýratynlyklary bilen tanyşdy we uçarlaryň birini synagdan geçirdi.

Ilki bilen, sagdyn durmuş ýörelgeleriniň pugtalandyrylmagyna aýratyn ähmiýet berýän türkmen Lideri säheriň sergin çagynda pyýada gezelenç etdi.
Döwlet Baştutany pyýada gezelençden soňra, birsellem welosiped sürdi. Soňky ýyllarda ulagyň ekologiýa taýdan arassa görnüşi hasaplanylýan welosiped sporty bilen meşgullanýanlaryň sany artdy. Sportuň bu görnüşi, aýratyn-da, ýaşlaryň arasynda has meşhurdyr.

Soňra türkmen Lideri ýurdumyzyň Ýaragly Güýçleriniň ygtyýaryna täze gelip gowşan harby uçarlaryň ýanyna geldi we harby uçarlar, olaryň aýratynlyklary bilen tanyşdy. Täze uçarlaryň enjamlaşdyrylyşy hem-de ulanyş maksatlary barada gürrüňleri diňläp, döwlet Baştutany harby uçarlaryň we beýleki söweş tehnikalarynyň tehniki aýratynlyklary barada maglumat berýän çyzgylary, şekil taslamalaryny we degişli suratlary synlady.

Soňra ýurdumyzyň Ýaragly Güýçleriniň Belent Serkerdebaşysy harby uçarmanyň ýörite lybasyny geýip, täze harby uçary synagdan geçirmek üçin onuň şturwalynyň başyna geçdi. Döwlet Baştutany harby uçary herekete girizmezden ozal, kada boýunça degişli hereketleri berjaý etdi. Biraz wagtdan harby uçaryň reaktiw hereketlendirijileriniň sesi giňişligi gurşap aldy. Şondan köp wagt geçmänkä, harby uçar asmana göterildi. Sanlyja salymda döwlet Baştutanynyň erk edýän harby uçary zerur belentlige çykyp, asman giňişliginde birnäçe öwrüm etdi.

Ýaragly Güýçleriň ygtyýaryna gelip gowşan täze harby uçar asman giňişliginde uçuş ugruny dessin üýtgetmäge, görkezme-aňtaw uçuşlaryny amala aşyrmaga ukyplydyr. Harby-howa güýçleriniň öňünde durýan möhüm wezipeleri ýerine ýetirmek, Watanymyzyň howa giňişliginiň ygtybarly goragyny üpjün etmek, aňtaw işlerini geçirmek, gury ýer goşunlarynyň hereketlerini goldamak üçin täze harby uçarda zerur mümkinçilikleriň jemlenendigini bellemek gerek.
Bu harby uçar asmanda erkin peselmek, degişli belentlige çalt galmak ýaly tilsimleri ýerine ýetirýär. Turboreaktiw hereketlendirijiler bilen enjamlaşdyrylan bu uçar harby uçarmanlary taýýarlamak üçin hem ähmiýetlidir. Uçaryň uçuş uzaklygy 2 müň kilometre barabar bolup, onuň iň ýokary uçuş belentligi 13 müň 700 metre deňdir.

Döwlet Baştutany kesgitlenen ugur boýunça ýerine ýetirilýän uçuşyň dowamynda birnäçe öwrümleri amala aşyrdy we söweşjeň tehnikany ussatlyk bilen gondurdy. Goranmak ministri hormatly Prezidentden täze harby uçarda synag uçuşyny amala aşyran pursadynda geýen uçarman lybasyny paýtagtymyzdaky Berdimuhamet Annaýew adyndaky ýöriteleşdirilen harby mekdebiň muzeýinde goýmaga ygtyýar bermegini haýyş etdi. Ýurdumyzyň Ýaragly Güýçleriniň Belent Serkerdebaşysy bu teklibi oňlap, harby uçarman lybasynyň Berdimuhamet Annaýew adyndaky ýöriteleşdirilen harby mekdebiň täze guruljak binasynyň muzeýinde goýulmagynyň maksadalaýyk boljakdygyny belledi.


17.05.2025 14:09
14k+

Гурбангулы Бердымухамедов неожиданно посетил новое здание театра в Казани

Председатель Халк Маслахаты Туркменистана Гурбангулы Бердымухамедов и глава Республики Татарстан Рустам Минниханов вместе посетили Татарский государственный академический театр имени Галиасгара Камала в Казани...

14.05.2025 15:09
19k+

Призовые от победы «Аркадага» в Лиге вызова АФК пойдут на строительство детской библиотеки

Денежный приз, полученный футбольным клубом «Аркадаг» за победу в Лиге вызова Азиатской футбольной конфедерации (АФК), будет направлен на строительство нового здания Государственной детской библиотеки имени Базара Аманова...

14.05.2025 13:38
9.5k+

Гурбангулы Бердымухамедов поздравил ФК «Аркадаг» с победой в Лиге вызова АФК

Председатель Халк Маслахаты Гурбангулы Бердымухамедов поздравил тренеров, спортсменов и болельщиков футбольной команды «Аркадаг» с победой в Лиге вызова АФК. В поздравлении говорится, что этот успех стал достойным подарком к 30-летию нейтралитета страны и еще больше приумножил международный авторитет Туркменистана...

09.05.2025 16:39
29k+

Гурбангулы Бердымухамедов побеседовал с ветеранами и поздравил их с Днем Победы

9 мая председатель Халк Маслахаты Гурбангулы Бердымухамедов принял участие в церемонии возложения цветов к памятникам мемориального комплекса «Halk hakydasy» в честь 80-й годовщины Победы в Великой Отечественной войне 1941-1945 годов...