Maldiwleriň wekili Abdulla Şahid BMG-niň Baş Assambleýasynyň 76-njy sessiýasynyň başlygy saýlandy. Muny duşenbe güni geçirilen ses berişligiň netijeleri delillendirýär diýip, TASS habar berýär.
Şahidi 143 ýurduň wekilleri goldady. Onuň garşydaşy bolan Owganystanyň wekili Zalmaý Rasula 48 adam ses berdi. Ses bermekden saklanan bolmady. Abdulla Şahid Maldiwleriň Daşary işler ministri wezipesini ýerine ýetirýär.
Baş Assambleýanyň başlygy bäş sebit toparynyň arasynda aýlanma ýörelgesi boýunça saýlanýar. Şu ýyl bu wezipäni Aziýa-Ýuwaş ummany sebitiniň wekili eýelemelidi. Şahid sentýabr aýynda sessiýanyň başynda wezipä girişer we bir ýyl bu wezipäni eýelär.
