“Ýuwentusyň" hüjümçisi Kriştianu Ronaldu Ýewropa Futbol Assosiasiýalary Bileleşiginiň (UEFA) VAR bölüminiň başlygy wezipesine bellendi. Bu barada matchtv.ru habar berdi.
Onuň wezipesi futbola täze tehnologiýalary ornaşdyrmak we mümkin boldugyça köp stadionyň VAR enjamlary bilen enjamlaşdyrylmagyny gazanmak bolup durýar.
Ýadymyzda bolsa, mart aýynda Ronaldunyň Portugaliýanyň milli ýygyndysynyň düzüminde Serbiýanyň milli ýygyndysyna garşy geçiren goly (2:2) VAR-yň ýokdugy sebäpli hasaba alynmandy we bir topar dawa-jenjelleriň ýüze çykmagyna getiripdi. Portugaliýalylar topuň derweze çyzygyny kesip geçendigini emine düşündirjek boldular, ýöne bu gol barybir hasaba alynmady. Kriştianu bolsa emin bilen jedelleşendigi üçin sary duýduryş kartyny aldy we gaharlanyp, kapitanlyk daňysyny ýere zyňdy.
Soňra emin Ronaldunyň Serbiýanyň milli ýygyndysyna garşy hasaba alynmadyk goly üçin ötünç sorady.