Bu habaryň täze eýesi malaýziýaly "Bridge Oracle" kompaniýasynyň baş direktory Hakan Estawi boldy. Oňa täsin sanly şahadatnama gowşuryldy diýip, Sputnik gullugy habar berdi.
Twitterdäki auksion sahypasyna görä, esaslandyryjy Jek Dorsiniň sosial ulgamdaky ilkinji ýazgysy 3 million dollar töweregi baha bilen satyldy.
2006-njy ýylyň 21-nji martynda paýlaşylan ilkinji twitde "just setting up my twttr" ("Ýöne bir öz Twttr-mi düzýärin") diýilýär.
Jek Dorsi söwda sahypasyna baglanmany (ssylkany) paýlaşandan soň ilkinji minutlarda ýazgynyň bahasy 88 müň dollara çykdy. Ýazgyny satyn almak ugrundaky göreşe “Bridge Oracle”-yň baş direktory Hakan Estawi we “Tron” kripto walýutany esaslandyran hytaýly telekeçi Jastin San goşuldy. Lotda Estawi üstün çykdy we oňa Dorsi tarapyndan gol çekilen we tassyklanan özboluşly sanly şahadatnama gowşuryldy. Bu şahadatnama twitiň täze eýesine ony täzeden satmak ýa-da maýa goýum hökmünde şahsy kolleksiýada saklamak hukugyny berýär.
Twitteriň esaslandyryjysy ozal ilkinji twitden geljek girdejileriň haýyr-sahawata iberiljekdigini habar beripdi.
