“Barselonanyň” hüjümçisi Lionel Messi Ispaniýanyň Superkubogynyň finalynda garşydaşyny urandygy üçin iki oýundan çetleşdirildi diýip, Sport.es habar berýär. Muny gazeta.ru ýetirýär.
Sişenbe güni Ispaniýanyň Patyşalyk futbol federasiýasynyň ýaryşlar boýunça komiteti oýunçyny iki oýundan çetleşdirmek kararyna geldi. Ýatlap geçsek, oýnuň ahyrynda Messi “Atletik-iň” hüjümçisi Asýer Wilýalibreniň kellesinden urdy. Netijede, ol karýerasynda ilkinji gyzyl duýduryşyny aldy.
Diskwalifikasiýa sebäpli Messi “Barselonanyň” iki çykyş oýnuny — Ispaniýanyň Kubogynyň “Kornelýa” garşy duşuşygyny (21-nji ýanwar), şeýle-de Premýeranyň “Elçe” bilen duşuşygyny (24-nji ýanwar) goýberer.
Messi 31-nji ýanwarda boljak bilbaoly topara garşy duşuşykda meýdança dolanar.
“Barselona” toparyň kapitany we hüjümçisi Lionel Messiniň diskwalifikasiýa edilendigi üçin şikaýat bilen ýüz tutar.
