Meşhur Boxing Scene portaly rus boksçusy Aleksandr Powetkiniň ýerine ýetiren nokautyny 2020-nji ýylyň iň gowy nokauty diýip ykrar etdi. Bu barada rsport.ria.ru habar berýär.
Portalyň hünärmenleriniň pikiriçe, Dillan Uaýt bilen Bütindünýä boks geňeşiniň (WBC) wagtlaýyn dünýä çempiony adyny almak ugrundaky gapma-garşylygyň bäşinji raundyndaky takyk urgy geçen ýylyň iň täsirli urgusy boldy.
“Powetkiniň garaşylmadyk we güýçli nokauty Uaýtyň on bir ýeňişden ybarat tapgyrynyň arasyny üzdi we ony WBC-niň çempiony Taýson Fýuri bilen söweşe hökmany dalaşgäriň ornundan aýyrdy” – diýlip, makalada bellenilýär.
Ýatlap geçsek, çekeleşikli söweş 22-nji awgustda bolup geçdi. Powetkin WBC-niň agyr agramda wagtlaýyn çempiony adyna eýe boldy.
Şu ýylyň ýanwar aýynda Uaýt bilen Powetkiniň arasynda ýene bir söweş geçirilmelidi, ýöne guramaçylar rewanşy altynjy marta süýşürmeli boldular, sebäbi rus türgeni koronawirus ýokanjynyň täsirlerinden gutulmagyny dowam etdirýär.