Transfermarkt portaly 2020-nji ýylda has gymmatlan futbolçylaryň adyny belli etdi. Bu barada sovsport.ru habar berýär.
Dortmundyň “Borussiýasynyň” hüjümçisi Erling Holand sanawda birinji orny eýeledi. Onuň bahasy 55-den 100 million ýewro çenli ýokarlandy. Ikinji orunda “Bawariýanyň” goragçysy Alfonso Dewis ýerleşdi. Kanadaly oýunçy 25 mln ýewro bilen bahalandyrylýardy. Häzir onuň bahasy 80 mln ýewro.
Bu sanawda üçünji orny “Barselonanyň” hüjümçisi Ansu Fati eýeledi. Onuň bahasy 40-dan 80 million ýewro çenli ýokarlandy.
2020-nji ýylyň noýabr aýynda Holand Golden Boy-2020 baýragynyň çäginde Ýewropanyň iň gowy ýaş futbolçysy boldy.
Holand “Borussiýa” üçin 2020-nji ýylyň ýanwar aýynda ilkinji gezek oýnady. Onuň hasabynda nemes kluby üçin 21 oýunda 19 goly bar. Ol Norwegiýanyň “Brýune” futbol klubynyň ýetişdiren oýunçysy. Ýurduň ýygyndy toparynyň düzüminde Holand ýedi oýna gatnaşyp, alty gol girizdi.