Ispaniýaly tennisçi Rafael Nadal tennis hünärmenleri birleşiginiň (ATP) reýtinginiň ilkinji onlugynda geçirilen hepdeleriň sany boýunça rekord goýdy. Bu barada guramanyň metbugat gullugyna salgylanyp, TASS habar berdi.
Nadal 2005-nji ýylyň 25-nji aprelinden bäri, ýagny 790 hepde bäri sanawyň ilkinji onlugynda ýerleşýär. Ol bu görkeziji boýunça amerikaly Jimmi Konnorsyň (789) gazananlaryndan öňe geçdi. Üçünji orunda şweýsariýaly Rojer Federer (734) barýar.
ATP-niň 9-njy noýabrda täzelenen reýtinginde Nadal 9 850 bal bilen ikinji setirde ýerleşýär, reýtingiň başyny bolsa serbiýaly Nowak Jokowiç (11 830) çekýär.
Nadal ATP-niň ýaryşlarynda 86 gezek ýeňiji boldy. Şeýle hem, 34 ýaşly oýunçy “Uly tuwulga” ýaryşlaryndaky ýeňişleriň sany boýunça birinji orny Federer bilen paýlaşýar (20).
