Xiaomi şu gün täze tehnologiýasynyň ýene birini – dünýäde iň çalt simsiz zarýad berijini resmi taýdan mälim etdi. Onuň kuwwaty 80 Wt barabar. Täze zarýad beriji gurluşa Snapdragon 875 prosessory bilen işleýän soňky Xiaomi smartfony – Mi11 eýe bolar. Bu barada www.ixbt.com habar berýär.
Bu tehnologiýanyň kömegi bilen 4000 mA/sag sygymly akkumulýator batareýi 19 minutyň içinde zarýad alar. 50 göterim zarýada ýetmek üçin bolsa bary-ýogy 8 minut ýeterlik bolar.
Mundan öň kompaniýa 40 Wt kuwwatly simsiz zarýad berijini mart aýynda tanyşdyrypdy. 50 Wt kuwwatly iň çalt simsiz zarýad beriji bolsa şu ýylyň awgustynda satuwa goýberilen Xiaomi Mi 10 Ultra smartfonuna ornaşdyrylypdy.
Häzirki wagtda kompaniýanyň indiki ýylda hödürlenjek 100 Wt kuwwatly çalt zarýad beriji tehnologiýanyň üstünde işleýändigi habar berildi.