Messi «Barselonadan» gitmäge hyýallanýar

Messi «Barselonadan» gitmäge hyýallanýar

«Barselonanyň» lideri Lionel Messini topary terk etmegi ahmal. Toparyň Çempionlar ligasynyň çärýek finalynda «Bawariýadan» 2:8 hasabynda ýeňilmegi argentinaly futbolçy üçin şeýle hereket etmäge itergi boldy diýip, vesti.ru habar berýär.

Messi kluby edil häzir däl, şertnamasy tamamlanansoň - ýene bir ýyldan soň terk eder. Ýagny onuň erkin agent bolmak isleýändigi aýdylýar. Şeýle hem, onuň karýerasyny “Inter”-de dowam etdirmegi hem ähtimal diýip bellenilýär.
Şeýle-de bolsa, «Barselonanyň» öz kapitanyny saklap galmaga mümkinçiligi bar. Ýöne munuň üçin klubyň dolandyryşynda düýpli üýtgeşmeler geçirilmeli bolar diýip, "Sport-Express" habar berýär.