Awtoulagyň akkumulýatorynyň möhletinden öň çökmeginiň dört sebäbi

  • 03.08.2020 16:36
  • 27k+

"За рулем" ("Rul başynda") žurnalynyň hünärmeni Mihail Kolodoçkin awtoulagyň akkumulýator batareýasynyň (AKB) wagtyndan öň hatardan çykmagynyň dört sany esasy sebäbini aýtdy. Bu barada RIA Nowosti agentligi ýazýar.

Hünärmen awtoulag eýelerini täze batareýa satyn alanda pul tygşytlamazlyga çagyrdy. Ol köp telekeçileriň gurşun plastinlerini azaltmak arkaly batareýany öndürmek üçin çykdajylary azaltmaga synanyşýandygyny aýtdy. "Ýeňledilen" görnüşde batareýa birnäçe wagtlap işlese-de işlär welin, ýöne ol indi artykmaç agrama çydap bilmez, mysal üçin gyşda sürmäge kän bir ýaramaz.
Awtoulag hünärmeni:

"Galyberse-de, plastinler näçe az bolsa, batareýanyň kuwwaty we gory şonça-da pes bolar. Şonuň üçin beýle batareýa uzak hyzmat etmez" - diýip belleýär.

Batareýanyň wagtyndan öň hatardan çykmagynyň ýene bir sebäbi önümiň nädogry ulgamda gurulmagy bolup biler.

"Käbir häzirki zaman akkumulýator batareýalary AGM tehnologiýasy arkaly öndürilýär. Olar has köp "otla-öçür" aýlawyna niýetlenendir. Şonuň üçin olar "start/stop" ulgamly awtoulaglarda ulanylmaly" - diýip, hünärmen belleýär.

Şeýle-de bolsa, Kolodoçkin şular ýaly awtoulaglaryň eýeleriniň tygşytlamagyň hatyrasyna awtoulagyň hatardan çykan öz batareýasyna derek “adaty” batareýany satyn alýandygyny we bu ýagdaýlarda täze batareýanyň has çalt bozulýandygyny duýdurýar.
Bilermeniň sözlerine görä, batareýanyň wagtyndan öň "ölmeginiň" ýene bir sebäbi - temperaturanyň peselmegi. Awtoulag eýelerinden talap edilýän zat - iň bolmanda, yssy we sowuk howada batareýanyň ýagdaýyna gözegçilik etmek diýip, ol düşündirýär.
Mundan başga-da, sürüjiniň geleňsizligi hem batareýanyň wagtyndan öň hatardan çykmagyna sebäp bolup biler diýip, Kolodoçkin aýdýar. Ol käbir awtoulag eýeleriniň diňe bir görnüşi ýa-da elektrik parametrleri boýunça däl, hatda ölçegi boýunça laýyk gelmeýän batareýany hem satyn alyp bilýändigini aýtdy.

Şeýle hem şular dogrusynda okap bilersiňiz:

düýn 18:11
2.1k+

Volkswagen Ýewropada elektrokar satuwy boýunça Tesla-dan öňe geçdi

2025-nji ýylyň birinji alty aýynyň jemi boýunça Volkswagen konserni Ýewropada elektrik ulaglarynyň satuwy boýunça Tesla-dan öňe geçdi. Handelsblatt neşiriniň maglumatlaryna laýyklykda, VW Group-yň düzümine girýän ähli brendleriň batareýa bilen işleýän modelleriniň satuwy, geçen ýylyň degişli döwri bilen deňeşdirilende, sebitde 89% ýokarlandy we 347 900 birlige ýetdi...

düýn 17:56
1.1k+

Mazda CX-5 krossoweriniň täze neslini görkezdi. Salon ulaldy we has oňaýly boldy

Mazda kompaniýasy CX-5 krossoweriniň üçünji neslini görkezdi. Model ulaldy, täzeden dizaýn edildi we salony täzelendi. 2025-nji ýylyň ahyrynda Ýewropada satylyp başlanar we awtoulag soňra beýleki bazarlarda hem peýda bolar...

düýn 17:05
1.8k+

Rimac Nevera tizligi artdyrmakda iň çakgan elektrokar boldy we bir günde 24 sany tizlik rekordyny goýdy

Rimac Nevera R giperkary bir günde 24 sany tizlik rekordyny goýdy, şol sanda noldan sagatda 400 km tizlige çenli çykmakda iň gowy - 25,79 sekunt netijäni görkezdi. Bu barada Horwatiýanyň Rimac kompaniýasy modeliň täze modifikasiýasyny synagdan geçirenden soň habar berdi...

düýn 10:56
8.2k+

Lexus üçeginde tennis oýnadyp, Ginnesiň iki sany üýtgeşik rekordyny goýdy

Lexus kompaniýasy hereket edip barýan ulaglarda tennis oýny bilen bagly Ginnesiň iki rekordyny goýmaga gatnaşdy. Britaniýaly tennisçiler Jeými Marreý we Lora Robson 47 km/sag tizlik bilen hereket edip barýan awtomobilleriň üçeginde durmak bilen, birek-birege yzygider 101 gezek top geçirdi...