Donald Trampyň 2019-njy ýyl boýunça girdejisi neşir edildi

  • 01.08.2020 18:00
  • 13k+

ABŞ-nyň hökümetiniň ýanyndaky etika meselesi boýunça edara her ýylky maliýe ýazgysyny neşir etdi, onda ABŞ-nyň Prezidenti Donald Trampyň 2019-njy ýyl boýunça girdejisi barada maglumatlar beýan edilýär. Bu barada ТАSS habar berýär.

78 sahypalyk resminama laýyklykda, geçen ýylda döwlet ýolbaşçysy, beýlekilerden başga, Florida ştatyndaky özüniň Mar-a-Lago şypahanasy arkaly $21,4 mln gazandy. 2018-nji ýyl boýunça beýannamada bu toplumdan girdeji ýokary bolupdy – tas $22,7 mln. Waşingtondaky myhmanhananyň girdejisi 2018-nji ýyl bilen deňeşdirilende 300 müň kemelip, $40,5 milliona barabar boldy. Öz gezeginde Trump National Doral Miami şypahanasy 2019-njy ýylda Trampa $77,2 mln getirdi, bu ondan öňdäki ýyl bilen deňeşdirilende $1,3 mln köp. Bedminsterdäki (Nýu-Jersi ştaty) golf-klubyndan gelýän girdeji $15,7 milliondan $17,7 milliona çenli ýokarlandy.
“The Wall Street Journal” gazetiniň hasaby boýunça, umumy alanyňda, Ak öýüň ýolbaşçysynyň girdejisi 2019-njy ýylda $446 milliona barabar boldy. Neşir maliýe ýazgysynyň ir neşir edilmelidigini, ýöne pandemiýa sebäpli onuň möhletiniň süýşürilendigini belläp geçýär.
Inaugurasiýadan öň, Tramp özüne degişli bolan Trump Organization kompaniýasynda ähli eýeleýän wezipelerini ogullary Donald bilen Erikiň dolandyrmagyna geçirmek üçin olardan gidendigini habar berdi. Ýöne şunuň bilen birlikde, Tramp özüniň kompaniýalaryndan dynmakçy bolmady, sebäbi bu, hukukçylaryň aýtmagyna görä, maşgalanyň galan agzalarynyň isleginiň zyýanyna olaryň gaty arzan satylmagyny aňladardy.
2016-njy ýylda saýlawdan öňki wagtda Tramp baýlygynyň $10 milliarddan geçýändigini aýtdy. Hünärmenler onuň işleriniň umumy bahasynyň ep-esli azdygyny çaklamak bilen, bu hasaba birnäçe gezek şübhelendiler.

düýn 23:12
2.3k+

San-Diegoda iki jahan urşuny başdan geçiren 141 ýaşly pyşbaga Ene bilen hoşlaşyldy

San-Diego haýwanat bagynyň iň garry ýaşaýjysy, 141 ýaşly Ene (Gramma) atly galapagos pyşbagasy aradan çykdy. Haýwanat bagynyň işgärleri süňk keseli sebäpli ony uka gidirmeli boldy. CNN-iň habar bermegine görä, ewtanaziýa baradaky çözgüt jandaryň ýaş bilen bagly başdan geçirýän azaplary sebäpli kabul edildi...

düýn 12:06
1.8k+

Gemini «Google Kartalaryň» ähli hereket režimlerinde elýeterli boldy

Google «Google Kartalarda» ýöriteleşdirilen täze nawigasiýa ulgamyny giňden ornaşdyryp başlady. Indi goşundy awtoulag, pyýada, welosiped hem-de şäher jemgyýetçilik ulag ugruny görkezýän ähli režimlerde emeli aň tehnologiýasy Gemini-ni ulanar diýip, 9to5Google ýazýar...

düýn 12:02
1.9k+

Chanel Şanhaýda ilkinji jemgyýetçilik kitaphanasyny açdy

Chanel Modalar öýi Şanhaýda häzirki zaman sungatyna bagyşlanan ilkinji jemgyýetçilik kitaphanasy bolan Espace Gabrielle Chanel-i açdy. Bu barada Hypebeast žurnaly habar berýär. 18 müň inedördül fut meýdany bolan bu giňişlik Power Station of Art muzeýiniň üçünji gatynda ýerleşýär we onda 50 müňden gowrak kitap hem-de audio neşir bar...

düýn 11:55
3.8k+

1609-njy ýylyň ispan altyn teňňesi auksionda rekord mukdara satyldy

1609-njy ýylda Ispaniýanyň patyşasy Filipp III üçin zikgelenen ispan altyn teňňesi Şweýsariýadaky auksionda rekord 3,49 mln dollara satyldy. Ol Ýewropada iň gymmat satylan teňňe boldy diýip, Reuters ýazýar. Onuň başlangyç bahasy 2,46 mln dollardy...