Wagit Alekperow möhletinden öň «Lukoýl» nebit kompaniýasynyň prezidenti wezipesinden el çekdi we onuň direktorlar geňeşinden aýryldy. Bu barada kompaniýanyň saýtyndaky metbugat beýanynda yglan edildi.
Alekperow bu karary barada kompaniýanyň direktorlar geňeşiniň başlygyny habardar etdi.
Forbes maglumatlaryna görä, Alekperow Russiýanyň iň baý adamlarynyň sanawynda 10-njy orny eýeleýär. Häzir onuň emlägi 10,5 mlrd dollar möçberinde bahalandyrylýar.
«Lukoýl» Russiýanyň iň iri hususy nebit kompaniýasy. Alekperow ony 1993-nji ýylda esaslandyrdy we şol wagtdan bäri kompaniýanyň prezidenti wezipesini eýeledi.