Wladimir Kirienko VK-nyň baş müdiri wezipesine saýlandy. Bu wezipede ol Boris Dobrodeýewiň ornuna bellendi. Bu barada kompaniýa salgylanyp, RIA Nowosti habar berdi.
"VK Company Limited <…> direktorlar geňeşiniň Wladimir Kiriýenkonyň VK (Russiýa) täze baş müdiri wezipesine bellenilmegi üçin biragyzdan ses berendigini habar berýär. Karar dessine güýje girýär" - diýlip, habarda aýdylýar.
Belläp geçsek, 2016-njy ýylyň sentýabr aýyndan bäri Kirienko “Rostelecom”-yň Ösüş we telekeçiligi dolandyrmak boýunça uly wise-prezidenti bolup işledi we 2017-nji ýylyň dekabrynda birinji wise-prezident wezipesine bellendi.
VK iň uly rus internet kompaniýalarynyň biri hasaplanýar. Onuň düzümine e-poçta hyzmaty, "Odnoklassniki", "Moý mir" we "VKontakte" sosial ulgamlary, şeýle hem ICQ messenjeri girýär.
