ABŞ-da dronlaryň futbol boýunça çempionaty döredildi

  • 11.06.2021 19:44
  • 5.8k+

Amerikanyň Birleşen Ştatlarynda dronlaryň futbol boýunça çempionaty döredildi. “Drone Soccer” diýlip atlandyrylýan bu ýaryş ilkinji gezek iýul aýynda ABŞ-da geçiriler. Bu barada ferra.ru habar berdi.

Ýaryşda dronlary dolandyrýanlar, ýagny operatorlar hökmünde mekdep okuwçylary çykyş ederler. ZDNet-iň pikiriçe, “Drone Soccer” meşhur "Garri Potter" filmindäki kwiddiç oýnuna çalym edýär. Dronlaryň futbol ýaryşy ilkinji gezek 2016-njy ýylda Günorta Koreýada peýda bolupdy. Indi bolsa ony ABŞ-da synap görmek kararyna geldiler.
Dronlaryň futbol ýaryşy, esasan, okuwçylara dron ýasamagy, olary programmirlemegi we dolandyrmagy öwredýän okuw-sportudyr. Oýnuň dowamynda biri-biri bilen arkaýyn çaknyşyp bileri ýaly, dronlaryň daşyna ekzoskelet geýdirilýär. Oýunda üç-bäş oýunçydan ybarat toparlar ýörite meýdançada ýaryşýarlar.
Ýaryş iýul aýynda ABŞ-nyň Kolorado ştatynyň Kolorado-Springs şäherinde geçiriler diýip, çeşme habar berýär.

düýn 19:46
3k+

FIFA we Saud Arabystany ösýän ýurtlara 1 mlrd dollara çenli ýeňillikli karz berer

Halkara futbol federasiýasy (FIFA) Saud ösüş gaznasy (SFD) bilen Ähtnama gol çekdi. Onuň çäklerinde ösüp barýan ýurtlara 1 mlrd dollara çenli ýeňillikli karz berler. Serişdeler stadionlaryň hem-de töweregindäki infrastrukturanyň gurluşygyna we durkuny täzelemek işlerine gönükdiriler diýip, FIFA-nyň resmi saýtyndaky habarda aýdylýar...

düýn 09:22
7.1k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...

28.11.2025 23:57
4.5k+

Türkmen agyr atletikaçylary Tähranda Fajr Cup ýaryşynda 8 altyn medal gazandylar

2025-nji ýylyň 26-30-njy noýabry aralygynda Eýranyň paýtagty Tähranda halkara agyr atletika ýaryşy geçirilýär, bu ýerde Türkmenistanyň milli ýygyndysy üstünlikli gatnaşýar. Türkmen türgenleri eýýäm 12 medal gazandylar, şol sanda 8 altyn we 4 bürünç medal...

28.11.2025 23:17
4.8k+

Ýewropa ligasynyň we Konferensiýa ligasynyň tapgyrynyň netijeleri

Penşenbe güni agşam we anna gününe geçilen gije Ýewropa ligasynyň bäşinji tapgyrynyň we Konferensiýa ligasynyň dördünji tapgyrynyň oýunlary geçirildi. Ýewropa ligasynyň ýaryş jedwelinde fransuz «Liony» birinji orny eýeledi...