«Ruh» multfilmi «Annie Awards 2021» baýragyna mynasyp boldy

«Ruh» multfilmi «Annie Awards 2021» baýragyna mynasyp boldy

Meşhur “Pixar” studiýasynyň "Ruh" (“Soul”) multfilmi geçen ýyl animasiýada gazanan iň gowy üstünlikleri üçin “Annie Awards 2021” baýraklaryna mynasyp boldy. Şeýlelikde, multfilm esasy baýragy — "doly metražly iň gowy multfilm", "iň gowy saz" ýaly 7-ä golaý baýrak almagy başardy.

"Ruh" (“Soul”) multfilminde aradan çykan, ýöne arzuwyny amala aşyrmak üçin dirileriň dünýäsine dolanmak isleýän jaz sazandasy hakda gürrüň berilýär.
Mundan başga-da, “Ýyldyz söweşleri” äleminde goýlan “Mandalorly” teleserialy hem baýraga mynasyp boldy. Serial bu baýragy iň gowy animasiýa keşpleri üçin aldy.
Animasiýa filminiň iň gowy režissýory diýlip bolsa, “Möjekler hakda rowaýat” animasion filmini surata düşüren Tommi Mur we Ross Stýuart ykrar edildi. Bu film Annie baýraklarynda "doly metražly iň gowy garaşsyz animasiýa" ugry boýunça hem tapawutlandy.
Ýeri gelende bellesek, Annie baýraklaryny alan multfilm köplenç Oskar baýragyna mynasyp bolýar diýip, çeşme nygtap geçýär.