Milanyň “Internazionale” futbol kluby ýakyn wagtda resmi adyny çalyşmagy we logotipine üýtgetme girizmegi meýilleşdirýär.
"Football Italia"-nyň berýän habaryna görä, klubda şeýle uly üýtgeşmeler 2021-nji ýylyň martyna meýilleşdirilýär. Klubuň öňki “Football Club Internazionale Milano” ady gysgaldylyp, “Inter Milano” adyna üýtgediler. Bu üýtgeşmäniň klub bilen şäheriň arasyndaky baglanyşygy nygtamak üçin girizilýändigi habar berildi.
Klubuň täze nyşanynyň nähili boljakdygy belli däl, ýöne onuň esasy elementleri I we M harplary bolar diýlip çaklanylýar.
Italiýanyň habar beriş serişdeleriniň berýän habaryna görä, britan maýa goýum kompaniýasy häzirki wagtda “Inter”-den paý satyn almak boýunça gepleşikleri geçirýär. Şeýle hem, klub ýakyn wagtda özüniň hemaýatkärini üýtgeder: "Pirelli" firmasynyň ýerine heniz ady mälim edilmedik başga bir kompaniýa geler.