"Mançester Sitiniň" argentinaly hüjümçisi Serhio Aguero karýerasyny Ispaniýanyň ýa-da Fransiýanyň ligasynda dowam etdirip biler diýip, “The Sun” neşirine salgylanyp, Sputnik agentligi habar berýär.
32 ýaşly hüjümçiniň iňlisleriň “Mançester Siti” topary bilen şertnamasy şu ýylyň tomsunda tamamlanýar, şonuň üçin oýunçy şertnamanyň gutarmazyndan alty aý öň beýleki klublar bilen gepleşikleri geçirip biler. Çeşmäniň habaryna görä, häzirki wagtda Aguero bilen "Barselona" we "PSŽ" klublary gyzyklanýar.Ş
Şeýle-de bolsa, argentinaly ýyldyzyň özi "Mançester Siti" bilen şertnamasynyň uzaldylmagyna bil baglaýar. Agueronyň bu toparyň düzüminde dokuz ýyl bäri çykyş edip gelýändigini bellemelidiris.
Bu möwsümde argentinaly hüjümçi ähli ýaryşlarda dokuz oýun oýnap, iki pökgini öz adyna ýazdyrdy.
