Russiýada koronawirus ýokanjyna garşy sanjym etmeklik meýletin ýagdaýda bolar. Ilat hem sanjyma uly gyzyklanma bildirýär. Bu barada RF-iň saglygy goraýyş ministri Mihail Muraşko “Rossiýa-1” teleýaýlymynda “Şenbe gününde habarlar” programmasyna beren interwýusynda aýtdy.
“Sanjym sançmak meýletin ýagdaýda bolar, ýöne biz ilatyň gyzyklanmasynyň örän ýokarydygyny görýäris” – diýip, ol belleýär.
Muraşko Russiýanyň Saglygy goraýyş ministrliginiň N.F.Gamalei adyndaky epidemiologiýanyň we mikrobiologiýanyň milli merkezi tarapyndan taýýarlanylan koronawirusa garşy sanjymyň kliniki synaglarynyň tamamlanýandygyny, “Wektor” wirusologiýanyň we biotehnologiýanyň döwlet ylmy merkeziniň bolsa sanjymyň kliniki synaglaryny meýletinçilerde geçirmäge rugsat alandygyny ýatlap geçdi. “Ine, şu iki dalaşgär sanjym biziň ýurdumyzyň howpsuzlygyny üpjün etmek üçin, häzirki günde dogry ugur bilen gidýärler” – diýip, ministr sözüniň üstüni ýetirýär.
Russiýada, koronawirus bilen göreş boýunça federal operatiw ştabyň maglumatlaryna laýyklykda, keseliň 806 720 ýagdaýy bellige alyndy, 597 140 adam sagaldy, 13 192 adam ýogaldy. RF-iň hökümeti ýurtdaky ýagdaýlar bilen habarly bolmak üçin стопкоронавирус.рф portalyny işe girizdi.
