«Oskar — 2020»: baýragyň ýeňijileri yglan edildi

9-njy fewraldan 10-una geçilýän gije Los-Anjelesde «Dolby Theatre» teatrynda her ýylda geçirilýän «Oskar 2020» abraýly kino baýragynyň gowşurylyş dabarasy boldy. Däp boýunça, nominantlaryň sanawyna ýylyň iň meşhur filmleri we iň zehinli aktýorlary goşuldy.
Iň gowy daşary ýurt filmi we režissýorlyk işi üçin baýragy «Parazitler» filmi hem-de režissýor Pon Çžun Ho aldy. Şeýlelik bilen baş nominasiýada «Oskar» baýragyny ilkinji gezek iňlis dilinde bolmadyk film eýeledi. Erkek adamyň roluny iň gowy ýerine ýetirmekde baýraga köp tomaşaçylaryň ýüregini eýelän «Jokeriň» keşbini ýerine ýetiren Hoakin Feniks mynasyp boldy, bu kartina «Filme iň gowy aýdym» kategoriýasynda hem baýrak aldy. Iň gowy zenan keşbi bolsa, aktrisa Rene Zellwegere (Judi) berdiler.
Amerikan aktýory Bred Pitt hem «Bir gezek Golliwudda» filminde ikinji plandaky iň gowy erkek adamyň roly üçin baýrak aldy. Bu Pitt üçin Amerikan kinoakademiýasynyň ilkinji aktýor baýragy boldy. Öň, ol «Oskar» baýragyna «12 ýyl gulçulyk» filminiň soprodýuseri hökmünde hödürlenilipdi.
Mundan başga-da baýraga şular mynasyp boldy:
Iň gowy doly metražly animasion film – «Oýunjaklaryň taryhy 4»;
Iň gowy gysga metražly animasion film – «Hair Love»;
Iň gowy original ssenariý – Pon Çžun Ho («Parazitler»)
Iň gowy ssenariý-adaptasiýa – Taýka Waýtiti («Кролик Джоджо»);
Iň gowy gysga metražly oýun filmi – «The Neighbors Window»;
Hudožnik-oýun goýujynyň iň gowy işi – «Bir gezek Golliwudda»;
Geýimleriň iň gowy dizaýny – «Kiçijik zenanlar»;
Iň gowy doly metražly dokumental film – «American Factory»;
Iň gowy gysga metražly dokumental film – «Learning to Skateboard in a Warzone»;
Ikinji plandaky iň gowy zenan keşbi – Lora Dern («Nika taryhy»). Lora Derniň hem bu ilkinji «Oskar» baýragy.
Iň gowy ses montažy – «Autsaýderler» («Ford Ferrarä garşy»);
Iň gowy ses – «1917»; Iň gowy operatorçylyk işi – Rojer Dikins «1917»;
Iň gowy montaž – «Autsaýderler» («Ford Ferrarä garşy»);
Iň gowy wizual effektler – «1917»;
Iň gowy grim we saça timar berme – «Skandal»;
Iň gowy aýdym – «(I’m Gonna) Love Me Again» («Roketmen»).
«Oskar» 24 nominasiýada berilýär. Bu ýyl hödürlenen nominasiýalarynyň sany boýunça Todda Filipsiň «Joker» trilleri lider boldy. Film 11 kategoriýada kino baýragyna hödürlenildi.